Búginde Qazaqstanda sımptomdy jáne sımptomsyz naýqastar sany 27 myńnan asty. Bul týraly Densaýlyq saqtaý mınıstrligi Ulttyq densaýlyq saqtaý ulttyq ortalyǵynyń juqpaly aýrýlardyń aldyn alý departamentiniń dırektory Jumabek Bekenov Ortalyq kommýnıkasııalar qyzmetinde ótken brıfıngte málimdedi, - dep habarlaıdy Egemen.kz.
"Qazirgi tańda Qazaqstanda 27 541 COVID-19 jaǵdaıy tirkeldi. Onyń ishinde 9 809 sımptomsyz, 17732 sımptomdy jaǵdaı. 21 maýsymnyń ózinde elimizde 1 471 aýrý tirkeldi. Qaıtys bolǵandary – 120 naýqas. Bir táýliktiń ishinde 2 adam kóz jumdy. Bir táýliktiń ishinde 226 adam emdelip shyqty, barlyǵy 10897 adam indetten aıyqty", - dedi Jumabek Bekenov.
Onyń aıtýynsha, elimizde barlyǵy stasıonarlyq karantınde – 168 adam, úı karantıninde – 11 563 adam jatyr. KVI-men aýyryp, aýrýhanada jatqan naýqastar sany – 8052. KVI juqtyryp, ambýlatorlyq baqylaýda turǵan 8472 adam bar.